حقيقة توصيل مياه النيل إلى دولة الاحتلال الإسرائيلي

– الكلام ده غير صحيح، ده مشروع سحارة سرابيوم، مش سري زي ما بيقول أحمد منصور، كل تفاصيله معلنة ومنشورة من زمان بما فيها الصورة اللي استخدمها هتلاقو مصدرها بأول تعليق. ✅✅

– المشروع هدفه نقل مياه النيل عن طريق أنفاق أسفل قناة السويس لتوفير مياه الرى والشرب لسيناء بهدف ري بين ٧٠ و١٠٠ ألف فدان، منها ٣٠ ألف بمنطقة شرق البحيرات و٤٠ ألف على ترعة الشيخ زايد.
– المشروع مش بيوصل المياة لأي مسافة جديدة شرقا أكتر من اللي كانت بتوصلها ترعة السلام، فأقصى نقطة بتوصلها مياه النيل هيا بئر العبد، ودي حوالي ٧٠ كيلو غرب العريش، اللي هيا حوالي ٥٠ كيلو غرب رفح والحدود، يعني بعيد حوالي ١٢٠ كيلو عن إسرائيل ودي مسافة بعيدة جدا.
– مش صحيح كمان كلام أحمد منصور ان المشروع اتنفذ من ٣ سنين، اللي حصل انه تم الاعلان عنه في ٢٠١٦ ، وكان مفروض يخلص في ٣٠ يونيو ٢٠١٩ حسب تصريح للمهندس أحمد سعد زغلول رئيس قطاع مشروعات سيناء والجلالة، وبعدها حصل تأخير فيه ومحافظ الاسماعيلية اللواء حمدي عثمان صرح في يونيو الماضي ان المشروع هيخلص قبل نهاية العام الجاري.
– حسب المعلومات المنشورة السحارة تتكون من 4 بيارات ضخمة عمق الواحدة 60 متراً، ويبلغ قطر السحارة الداخلى ما يقرب من 20 متراً، مع 4 أنفاق أفقية طول النفق الواحد 420 متراً محفورة تحت القناة، بعمق 60 متر.✅✅

– تكلفة المشروع مليار و٣٠٠ مليون جنيه، وتنفذه شركات ٣ شركات رئيسية هي كونكورد للهندسة والمقاولات وشركة باور إيجيبت، وشركة ريلانس للخرسانة الجاهزة، بالإضافة إلى 26 شركة مقاولات صغيرة، تحت إشراف الهيئة الهندسية للقوات المسلحة ووزارة الرى.✅✅